Ish-deputeti i Partisë Demokratike, Ervin Salianji nëpërmjet një statusi në rrjetin social “Facebook” kujton “8 dhjetorin” si sakrificën e të rinjve për një Shqipëri si Evropa.
Salianji ka zhvilluar takime me të rinjtë në Korçë, sipas tij duke respektuar edhe rregullat e pandemisë, ku edhe u shpreh se liria duhet të mbrohet çdo ditë dhe në çdo etapë.
Ish-deputeti i bën thirrje të rinjve që të bëhen bashkë për të shpëtuar demokracinë.
Statusi:
Sot në Korcë me dhjetra të rinj brenda kushteve që dikton pandemia!
8 Dhjetori 90 saktifica e të rinjve ishte sublime,ata rrezikonin gjithçka kishin jetën, familjen, por zgjodhen te luftojnë për të ardhmen! Për Shqipërinë si Europa!
Sot me shtetin monopartiak, shtetin e krimit dhe bandave përpjekja dhe fuqia për t’i përmbysur në përballje, janë e vetmja zgjidhje.
E ardhmja është në duart tuaja, së bashku do sfidojmë e të shpëtojmë demokracinë!
As vendi, Shqipëria dhe as liria e mundësisë nuk janë të trashëgueshme, ato ruhen e mbrohen çdo ditë, çdo etapë.
Për Shqiperine si gjithe Europa!
/abcnews.al/
