Angela Merkel ka shanse t’i shpëtojë shkërmoqjes së koalicionit qeverisës. Sipas mediave europiane, aleatët e Unionit Kristian Socialist i kanë dhënë mbështetje kancelares, duke izoluar liderin e tyre, ministrin e Brendshëm që kishte kërcënuar me braktisje të koalicionit.
Horst Seehofer më herët kishte kërkuar zmbrapsjen e emigrantëve klandestinë në kufirin bavarez, por Merkel i ishte përgjigjur se do t’i qëndronte besnike marrëveshjes me vendet e BE-së.
Duke reaguar në një intervistë për një gazetë gjermane, Seehofer ka deklaruar se nuk do ta lejojë kancelaren Merkel ta shkarkojë nga detyra. Seehofer nuk është shprehur i gatshëm për gjithçka për të shmangur krizën politike, edhe pse ka pranuar që situata është e “paimagjinueshme”.
“Personi që ndihmova të vendosej në krye, tani do të më përzërë. Unë nuk mund ta lejojë një gjë të tillë”, ka thënë Zehofer.
Prishja e aleancës mes dy partive do t’i linte Kristian-Demokratët pa mazhorancë parlamentare dhe skenari në fjalë u duk mëse i mundur, kur Seehofer dha ultimatumin e tij./abcnews.al
