Trajneri i Manchester City, Pep Guardiola, mund të largohet në fundin e këtij sezoni. Spanjolli ende nuk ka vendosur për të ardhmen e tij, edhe pse “Qytetarët” e duan atë sërish në krye të ekipit. Ishte vetë trajneri, që u shpreh në daljen e tij të fundit se nuk ka patur bisedime me drejtuesit për rinovimin e kontratës, pasi ai është fokusuar tashmë tek ekipi dhe tek ecuaria e sezonit.
Megjithatë, sipas raportimit të “Goal”, klubi anglez po mendon më të keqen dhe i ka gati dy alternativa në rast se Guardiola largohet.Emri i parë në listë është ai i Julian Nagelsmann. Trajneri i RB Leipzig po bën mirë në Bundesliga dhe në Champions League këtë sezon me gjermanët dhe shikohet nga drejtuesit si zëvendësuesi ideal për Pepin.
Manchester City have identified Julian Nagelsmann and Mauricio Pochettino as potential replacements for Pep Guardiola, Goal can confirm ? pic.twitter.com/4PBtzIKVgZ
— Goal (@goal) November 17, 2020
Emri i dytë është ai i ish-trajneri të Tottenham, Mauricio Pochettino. Argjentinasi vazhdon të jetë pa ekip që nga nëntori i kaluar, edhe pse më shpesh ai është lidhur me rivalët e qytetit, me Manchester United. /abcnews.al
