Në 24 orët e fundit në Greqi janë shënuar 2198 raste të reja me koronavirus, ndërsa u regjistruan 59 vdekje duke e çuar numrin e fataliteteve në total në 1165 nga fillimi i pandemisë.
Në të njëjtën kohë, numri i pacientëve të intubuar në Njësitë e Kujdesit Intensiv arriti në 400. Mosha e tyre mesatare është 65 vjeç. 126 (31.5%) janë gra dhe pjesa tjetër janë burra. 79.5% e pacientëve të intubuar kanë një sëmundje bashkëshoqëruese ose janë 70 vjeç ose më të vjetër.
Mosha mesatare e pacientëve që kanë ndërruar jetë është 80 vjeç dhe 97.2% kishin një sëmundje bashkëshoqëruese. Lajmi i mirë është që 383 pacientë janë shëruar në 24 orët e fundit në vendin fqinj, edhe pse situata vijon që të jetë shumë e rënduar./ db/Abcnews.al
