Avokati serb, Pregrad Savic, pretendon se në mesin e ish-anëtarëve të UÇK-së, të cilët po gjykohen për krime lufte, do të jetë i ftuar edhe kreu i Aleancës për Ardhmërinë e Kosovës, Ramush Haradinaj.
Ai është shprehur i bindur se Haradinaj do jetë në mesin e të akuzuarve nga Dhomat e Specializuara të Kosovës, pasi që siç pretendon Saviq, tashmë të parit të AAK-së i është ngritur aktakuza nga Prokuroria e Dhomave të Specializuara, raporton Kosovo Online, transmeton Gazeta Express.
Ndër të tjera, Savic konfirmoi edhe njëherë bashkëpunimin e instancave të larta gjyqësore të Serbisë me Prokurorinë e Dhomave të Specializuara për sigurimin e provave ndaj ngritjes së aktakuzave kundër ish-anëtarëve të UÇK’së.
Sipas tij, në kohën sa po shërbente si asistent i Ministrit të atëhershëm të Drejtësisë, Vladan Batiq, u përcollën 50 mijë faqe dokumente dhe dhjetëra mijëra fotografi në adresë të Zyrës së Prokurorisë së Dhomave të Specializuara.
Më parë, Haradinaj është shpallur i pafajshëm nga Tribunali i Hagës pas gjykimit për krime lufte, në mungesë provash.
Ndërkohë, në një reagim të bërë në llogarinë e tij në Facebook, vetë Haradinaj e ka hedhur poshtë lajmin e konfirmimit të aktakuzës.
Në postim, Haradinaj shkruan:
