Shkëndija e Tetovës nuk ia ka dalë të fitojë në shtëpi kundër Rabotnickit dhe tani ndan kreun me Shkupin, pasi të dyja skuadrat numërojnë nga 22 pikë. Kuqezinjtë barazuan sot 1-1, edhe pse shënuan të parët me anë të të zakonshmit Besart Ibraimi.
As ekipet e tjera shqiptare nuk kanë arritur të marrin pikët e plota sot. Struga ishte shumë pranë, por goli i Lenës nuk pati vlerën e tre pikëve për shkak se e pësuan në minutat shtesë.
Renova mori një rezultat pozitiv, pasi ishte në humbje me Vardarin deri në fund. Selmani, Velija dhe Jasharovski shënuan golat që shmangën disfatën në transfertë. 3-3 dhe ekipi nga Tetova mori një pikë të vlefshme. /abcnews.al
LIGA 1 MAQEDONI E VERIUT – Java 10
E diel, më 25 tetor, ora 14:30
Belasica-Borec 2-2
Makedonija GP-Akademija Pandev 3-1
Pelister-Struga Trim & Lum 1-1
Shënues: Hot Annes 93’ / Lena 77’
Shkëndija-Rabotnicki 1-1
Shënues: Ibraimi 16’ / Stankovski 51’
Vardar-Renova 3-3
Shënues: Mirchevksi 6’, Popzlatanov 13’, Petkovski 40’ / Selmani 28’, Velija 42’, Jasharovksi 90’
