Cadiz është kundërshtari i radhës i Real Madrid në La Liga. Kampionët në fuqi të Spanjës presin të shtunën në shtëpi ekipin e ngjitur në elitë, takim që nis prej orës 18:00.
Trajneri i ekipit kryeqytetas, Zinedine Zidane, në konferencën e zakonshme për shtypin, ka folur rreth gjendjes së skuadrës, objektivave dhe merkatos së “Los Blancos”.
“Kemi punuar shumë ditë pa lojtarët që luajtën me kombëtaret e tyre, por ndihemi gati dhe të përgatitur. Duam t’i bëjmë gjërat në mënyrën më të mirë të mundshme.
E di që do gjykohem pas çdo ndeshje, u bënë gati 20 vite që jam pjesë e Realit. Do e shijoj këtë pozicion deri në ditën e fundit, por është përgjegjësi e madhe të jesh trajneri i këtij ekipi.
Merkato? Flitet shumë në lidhje me Mbappe dhe Haaland. Kylian është një lojtar i PSG-së dhe merkato është mbyllur. Kontingjenti aktual i Real Madrid, është në gjendje të luftojë për fitimin e të gjithë trofeve“, deklaron trajneri francez /abcnews.al
