Ish-kryeministri i Maqedonisë së Veriut Nikolla Gruevski dhe Mile Janakieski shpallen fajtorë për rastin “Shuplakat”. Gruevski është dënuar me 1 vit e 6 muaj burg ndërsa ish-ministri Janakieski është dënuar me 1 vit burg me kusht, në rast se në katër vitet e ardhshme nuk e përsërit veprën penale.
Për të njëjtën vepër penale është dënuar me 9 muaj burg me kusht se në tre vitet e ardhshme nuk do ta përsërisin të njëjtën shkelje edhe Aleksandar Trajkovski, Darko Stojqevski, Daniell Trifunovski.
Me 6 muaj burg me kusht, në rast se brenda 2 viteve nuk e përsërisin veprën e njëjtë dënohen Trajçe Petkovski, Igor Boshkovski.
Një ditë më parë u dënua edhe ish-ministrja e Brendshme në Maqedoninë e Veriut me katër vite burg për një rast korrupsioni gjatë qeverisjes së Gruevskit.
Jankullovska u dënua për çështjen “Tanku”, e cila lidhet me blerjen e një Mercedesi luksoz në përdorim të vetë Gruevskit./mv. abcnews.al
