Prokuroria e Krimeve të Rënda ka thirrur të hënën në orën 10.00 dy deputetët e PD-së, Enkelejd Alibeaj dhe Ervin Salianji, si dhe ekspertin ligjor Gazmend Bardhi.
Ata do të merren në pyetje në cilësinë e personave që kane dijeni në lidhje me audiopërgjimin e publikuar nga selia blu disa ditë më parë, të një bisede të pretenduar mes Agron Xhafajt dhe nje bashkëpunëtori, Albert Veliu. Prokuroria e Krimeve të Rënda dërgoi fletë–thirrje të reja në selinë blu për këta 3 zyrtarë, pasi ata nuk u paraqitën dje në organin e akuzës, për shkak të angazhimit parlamentar.
Dje, kësaj çështjeje iu shtua edhe një zhvillim i ri. PD publikoi një intervistë me të ashtuquajturin “bashkëpunëtori X”, i cili pranon se është ai personi që bashkëbisedon me Agron Xhafaj në përgjimin e bërë publik. /abcnews.al
