Një automjet tip mercedes Benz është përplasur me një furgon pasagjerësh që po transportonte nxënësit e turnit të pasdites, në aksin Fushë-Bulqizë gjatë udhëtimit drejt Bulqizës.
Mësohet se janë plagosur tre pasagjerët që ishin në autoveturën me të cilën u përplas furgoni i nxënësve, ndërsa nuk raportohet për nxënës të plagosur.
Raportohet se një 27-vjeçare dhe një tjetër e plagosur, kanë marrë plagë të rënda dhe ndodhen në gjendje të rëndë shëndetësore.
Sipas policisë 2 të plagosurat janë transportuar drejt spitalit të traumës në Tiranë, për mjekim më të specializuar.
Dyshohet se shkak i këtij aksidenti është bërë një manovrim i gabuar i drejtuesit të mjetit tip mercedez-benz.
Njoftimi i Policisë
Bulqizë/ informacion paraprak
Rreth orës 16.30, në aksin rrugor Bulqizë-Fushë Bulqizë, janë aksidentuar dy automjete me drejtues shtetasit F. Ç., dhe F. P., e për pasojë është dëmtuar shtetasi F. P., i cili po mer ndihmë mjeksore në spitalin e Bulqizës, dhe pasagjeret shtetaset V. P., dhe E. P., të cilat janë transportuar drejt Tiranës për ndihmë më të specializuar.
Grupi hetimor ndodhet në vendngjarje, po hetohet për zbardhjen e shkaqeve të aksidentit.
N.D./abcnews.al
