Të ngrënit shëndetëshëm është kryefjala e shumë prej bisedave të përditshme. Ky proces shumë natyral është kthyer pa dashur në një temë të rëndësishme dhe në një mision thuajse të pamundur për disa njerëz.
Në të vërtetë është shumë më e thjeshtë nga sa mendoni, të hash shëndetshëm do të thotë të hash çdo ushqim që natyra ofron. E rëndësishme në këtë diskutim është ajo çfarë ndodh me trupin ku ju ushqeheni shëndetshëm dhe sa e rëndësishme mund të jetë kjo për organizmin.
Ndoshta nuk ju kishte shkuar nëpërmend, por të ngrënit shëndetshëm u rregullon humorin. Sipas agroweb.org, ndryshimet janë të dukshme edhe në shëndetin mendor dhe humorin tuaj.
Kur merrni të gjithë mineralet dhe vitaminat e duhura e ndihmoni trupin që të luftojë ndjenat si depresioni apo ankthi. Nivelet e ulta të vitaminës B12, të omega-3 apo të vitaminës D mund të çojnë në depresion ndaj mundohuni t’i konsumoni sa më shumë ato. l.k/abcnews.al
