Një nga agjentët e Arturo Vidal, ka zbuluar një prapeskenë të bujshme. Sipas tij, Antonio Conte e telefonon shpesh mesfushorin nga Kili.
“Antonio Conte e ka telefonuar disa herë në përpjekje për ta bindur dhe duke iu lutur, por Vidal dëshiron të jetë i sigurt se do të bëjë diçka të madhe në Ligën e Kampionëve para se të japë një përgjigje. E tërheq ideja për t’u rikthyer te Juve.
Në njërën anë ekziston mundësia të luajë përkrah Cristiano Ronaldos dhe të përpiqet të fitojë Champions League. Nga ana tjetër, fakti që ai kthehet në shtëpi, ku të gjithë e njohin”, u shpreh agjenti./abcnews.al
