Sulmuesi i Juventusit, Gonzalo Higuain, aktualisht është pa ekip. Ishte trajneri i bardhezinjve, Andre Pirlo, ai që konfirmoi se argjentinasi nuk është në planet e tij si dhe ai duhet të gjejë një ekip tjetër për në sezonin e ardhshëm.
Që nga ajo ditë ofertat në drejtim të 32-vjeçarit nuk kanë munguar. Sipas raportimit të “Corriere dello Sport”, janë katër klube angleze të interesuara për shërbimet e Higuain. Kësht Fulham, Aston Villa, West Ham dhe Newcastle po monitorojnë me kujdes situatën e bomberit.
Në rast se Gonzalo pranon ofertën e ndonjë prej këtyre klubeve, atëherë do të kemi të bëjmë me një rikthim të tij në Premier League. Kujtojmë që sulmuesi më parë ka luajtur në radhët e Chelseas, ku kaloi në huazim për gjashtë muaj nga “Zonja e Vjetër”. Higuain ka dhe një vit kontratë me kampionët e Italisë, por nëse ai gjen një ekip do të largohet me parametra zero nga Torino. /abcnews.al
