Loading ...
Muajin që shkoi Olta Boka u bë nënë për herë të parë e një vajze që e pagëzoi me emrin e veçantë Gaia. Ndërsa kanë kaluar vetëm pak ditë nga ardhja në jetë e vogëlushes, duket se këngëtarja po mendon t’i rikthehet muzikës. Përmes një reagimi në Instagram, Olta ka bërë me dije se do të risjellë një projekt të sajin që e ka shumë përzemër.
Bëhet fjalë për këngën pjesëmarrëse në Eurovision “Zemrën e lamë peng”. Ndonëse kanë kaluar shumë vite që nga pjesëmarrja e saj në vitin 2008 në Eurovision, duket se kjo mbetet një ndër këngët më të dashura për artisten.
https://streamable.com/uvjpgl
“Prej vitesh kam menduar ta risjell këtë këngë dhe uroj ta realizoj sa më shpejt”, ka shkruar Boka krahas postimit. Megjithatë, ajo nuk ka dhënë asnjë detaj nëse versioni i ri i këtij projekti do të publikohet së shpejti. /abcnews.al/
