Dua Lipa është padyshim një ndër këngëtaret më të suksesshme me famë botërore. Pak ditë më parë, artistja shqiptare publikoi këngën më të fundit “Un Dia” në bashkëpunim me J Balvin dhe Bad Bunny, e cila u prit mjaft mirë nga publiku.
Por, ylli i pop-it konfirmoi kohët e fundit që do të vijë me një bashkëpunim edhe me mbretëreshën e muzikës, Madonna dhe Missy Elliot që pritet të publikohet me datë 14 Gusht.
“Ka qenë gjithmonë një ëndërr e madhe për të punuar me Madonnën dhe Missy Elliot për të sjellë një këngë, që të jenë të dyja në një këngë, në një skenë, është kaq e çmendur. Edhe pse shumë herë e them këtë, duke e ditur se kënga do të dalë së shpejti, prapë duket e pabesueshme për mua.”, është shprehur Dua për “Ash London LIVE”.
Dua tha se të punosh me Madonna dhe Missy Elliott ishte një “ëndërr e bërë realitet“. Kujtojmë që ylli i hitit “New Rules” ka paralajmëruar një duet edhe me Gween Stefani dhe Mark Ronson, të cilët do të sjellin remix-in e këngës “Physical”, por nuk ka dhënë një datë se kur do të lançohet.
Artisja shqiptare është përfolur për një bashkëpunim edhe me Miley Curus, pasi publikoi një foto me këngëtaren amerikane dhe producentin Andrew Watt. /abcnews.al/
