Jadon Sancho është gjithnjë e më afër transferimit te Manchester United. Klubi anglez ka arritur një akord me Borussia Dortmund për shumën e 120 milion eurove. Bild raporton se verdhezinjtë kanë pranuar që të paguhen me këste për të lënë të lirë yllin anglez.
United do të paguajë 70 milion euro menjëherë, ndërsa 50 milionët e mbetura do të paguhen me dy këste në dy sezonet e ardhshme. Vetë 20-vjeçari, autori i 17 golave dhe 16 asisteve në kampionat, mezi po pret të kalojë në “Old Trafford”. Por ka një problem.
Marrëveshja duhet të bëhet zyrtare përpara datës 10 gusht. Ky është kushti i Dortmund, që dëshiron të mbyllë këtë operacion përpara nisjes së fazës përgatitore për sezonin e ardhshëm. United duhet të nxitojë, përndryshe ta harrojë blerjen e sulmuesit të djathtë. /abcnews.al
