Një 31-vjeçar është mbytur pasditen e sotme në ujërat e lumit Vjosë ku ishte futur për t’u larë bashkë me disa shokë.
Burime nga vendi i ngjarjes bëjnë me dije për abcnews.al se 31-vjeçari Armando Begaj nga fshati Gorishovë ishte i martuar dhe kishte një vajzë.
Në momentin kur ka qenë duke u larë, ai ka ndjerë vështirësi duke kërkuar ndihmë nga dy shokët e tij, të cilët e kanë marrë si shaka.
Më pas kur kanë parë që trupi i tij po fundosej ata kanë kërkuar ndihmë por përpjekja e tyre ka qenë e kotë./abcnews.al
