Deputeti i PS-së, Xhemal Qefalia, është i ftuar në Pressing, në ABC News. Deputeti foli për Tiranën, ku u ndalua më shumë te merkato e bardhebluve para pjesëmarrjes në Champions League, si dhe bëri krahasimin para dhe pas pandemisë së ecurisë së Tiranës.
“Duke qene deputet, nuk i di më mirë se ju këto gjëra. Në momentin që u pre kampionati nga pandemia, ndikoi negativisht te Tirana, pasi ishte në kulm. Pastaj ishte vapa e korrikut, mungesa e stërvitjes. Tirana nuk e pati atë grintën e fillimit.
Fakti që e pranoi, ishte diçka pozitive. Edhe Braçe u bind se Tirana e meritoi titullin kampion. Gjithë presioni, tani është te pjesa se si Tirana do të paraqitet në Champions League. Duhet ndërtuar ekipi, pjesa që ikën, pjesa që vjen.
Duhet ndërtuar Tirana që të jetë dinjitoze në Champions League”, u shpreh Qefalia./abcnews.al
