Ministri i Brendshëm i Italisë, Luciana Lamorgese ka njoftuar planet për dërgimin e ushtrisë në Sicili pasi rreth 100 migrantë shkelën karantinën. Migrantët raportohet se ishin larguar nga një tendë që ruhej nga njesia e Mbrojtjes Civile në qytetin Porto Empedocle, Sicili perëndimore, ku supozohej të kalonin një karantinë 14-ditore.
Në të izoloheshin 500 migrantë pavarësisht se kishte kapacitet vetëm për 100, AFP citon mediat italiane.Incidenti vjen pasi 184 migrantë – të cilët rezultuan negativë për COVID-19 u larguan nga një qendër e paraburgimit në Caltanissetta, Sicili të dielën.
Ministri i Jashtëm Luigi Di Maio tha se 125 prej tyre janë gjetur por shprehu shqetësime se incidente të tilla mund të pengojnë përpjekjet e Italisë për të kontrolluar krizën e koronavirusit.
“Virusi nuk është larguar. Qytetarët italianë, ashtu si unë, duhet të vazhdojnë të zbatojnë rregullat që ne i vendosëm vetes, tha ai./abcnews.al
