Liverpool dominoi Premier League këtë sezon dhe riktheu titullin kampion në “Anfield” pas 30 viteve. Momo Salah është një nga lojtarët kryesorë të ekipit të Jurgen Klopp dhe ia doli të plotësonte ëndrrën e tij për t’u shpallur kampion Anglie.
Sulmuesi egjiptian nuk ngopet me kaq dhe dëshiron të zgjasë dominimin në Premier League. Në një prononcim për BBC, 28-vjeçari tregon se si ndodh diçka e tillë.
“Fitimi i titullit është një ëndërr e kthyer në realitet, por ne duhet të vazhdojmë me këtë uri edhe në sezonet e ardhshme, që do të jenë shumë më të vështira. Ekipet e tjera do të luftojnë për të na rrëzuar nga froni.
Pse të mos fitojmë 2-3 kampionate radhazi? Barrierat ekzistojnë vetëm në kokat tona. Na duhet uri dhe përqendrim, vetëm kështu ia dalim të fitojmë sërish Premier League“, deklaron autori i 19 golave në kampionat për këtë sezon. /abcnews.al
