Ka ndërruar jetë në spital e plagosura e aksidentit të ndodhur dy ditë më parë në aksin Elbasan-Metalurgji.
55 vjeçarja Shpëtime Tufa u aksidentua pasditen e së premtes në aksin Elbasan-Metalurgji. Nga kamerat e bizneseve aty pranë u konstatua vetëhedhja nga mjeti që po udhëtonte. Mendohet se gruaja ka marrë ngacmime nga drejtuesi i mjetit që po udhëtonte, ndaj për të mbrojtur veten u vetëhodh, duke marrë dëmtime të rënda.
55 vjeçarja u përcoll sot në banesën e fundit nga të afërmit. Ajo ishte nëna e tri vajzave. Ndërkohë drejtuesi i mjetit u arrestua pak kohë me pas nga policia. /abcnews.al
