Te skuadra e Bayern Munchen, pritet një revolucion i vërtetë pas përfundimit të sezonit. Deri më tani, janë tre lojtarë që kanë shprehur dëshirën për t’u larguar nga Bundesliga. Thiago Alcantara, Javi Martinez apo dhe Corentin Tolisso kanë bërë gati valixhet.
Sipas raportimit të ‘’Le10Sport’’, duke parë largmin e shumë lojtarëve në repartin e mesfushës, drejtuesit e Bayernit janë futur në merkato për një mesfushor. Deri më tani, emri më i përmendur është ai i Monacos, Tiemoue Bakayoko. Lojtari në pronësi të Chelseat e ka përfunduar huazimin në Ligue 1, por gjasat që ai të rikthehet në Premier League janë të pakta.
Gjithashtu, për francezin ka shfaqur interesim të madh dhe Milani. Kujtojmë që Bakayoko shkëlqeu me fanellën e kuqezinjve nën drejtimin e Gennaro Gattusos, si dhe tifozët e duan sërish atë në ‘’San Siro’’. Deri më tani, nuk ka asnjë ofertë zyrtare ndaj Chelseas nga të dy klubet, por më shumë pritet të mësojmë në ditët në vijm./abcnews.al
