Leroy Sane pritet të jetë largimi i parë i Manchester City në merkaton e verës. Sulmuesi i majtë ka zgjedhur të vazhdojë karrierën te Bayern Munchen. Dy klubet po negociojnë për të arritur akordin zyrtar, që do rikthente 24-vjeçarin në Bundesligë.
Pep Guardiola e ka pranuar me kohë largimin e lojtarit të kombëtares gjermane dhe nuk kërkon një zëvendësues për të. City ka një kontingjent të pasur, sidomos në fazën ofensive. Në konferencën për shtyp përpara sfidës së kampionatit kundë Burnley (sonte, ora 21:00), trajneri spanjoll flet rreth largimit të Sane.
“Sane është akoma një lojtar i yni. Nuk e di nëse do të largohet këtë verë apo kur t’i mbarojë kontrata. Sidoqoftë, kemi në skuadër lojtarë sulmues të shkëlqyer, të cilët mund të aktivizohen në disa pozicione.
Gabriel Jesus mund të luajë në të majtë të sulmit, ashtu si edhe Phil Foden. Mos të harrojmë Sterling, edhe Raheem mund të aktivizohet në atë rol. Nuk e kemi mendjen te Sane, kemi prioritete të tjera për momentin“, deklaron Guardiola. /abcnews.al
