Maska do të mbetet e detyrueshme, e dënueshme me gjobë në rast të kundërt, në Spanjë, deri në fund të lehtësimit të masave kufizuese dhe deri sa COVID-19 të zhduket plotësisht, sipas ministrit të Shëndetësisë, Salvador Illa.
“Një gjobë prej 100 eurosh do t’u vendoset personave që nuk e mbajnë maskën në rrugët publike apo në vendet e mbyllura si dyqane ose kur ata nuk mund të mbajnë një distancë prej 1,5 metrash me njerëzit që i rrethojnë”, theksoi ministria.
Spanja, një prej vendeve më të prekura në botë nga pandemia me më shumë se 27 000 të vdekur, ka vendosur mbajtjen e maskës për të gjithë personat nga mosha 6 vjeç që prej 21 majit në rrugët publike dhe në vendet e mbyllura nëse distanca e sigurisë nuk mund të mbahet.
Ndërsa është bërë e detyrueshme që prej 4 majit për transportin publik./abcnews.al
