Loading ...
Beteja për titullin kampion në Superiore, u rikthye sot, me rifillimin e futbollit. Dhjetë ekipet e elitës së futbollit shqiptar zbritën në fushë, por vëmendja më e madhe ishte padiskutim te dy ekipet e kreut, Tirana dhe Kukësi.
Bardheblutë e drejtuar nga Egbo kishin një transfertë shumë delikate kundër Bylisit, por ia dolën që të marrin tri pikët e plota. Cobbinah shënoi një supergol në minutën e 26-të, me një kthesë të bukur brenda zonës.
https://streamable.com/8vjmyu
Batha në sekondat e fundit të fraksionit të parë, dyfishoi nga pika e bardhë. Peposhi në të 66-ën “stresoi” disi Tiranën, por kryeqytetasit shënuan serish me anë të Gentian Muçës në minutën e 72-të.
https://streamable.com/qnx2dc
Edhe Kukësi arriti të fitojë në “Elbasan Arena”, duke mposhtur me rezultatin 2-1 Luftëtarin. Verilindorët kaluan të parët në avantazh me anë të Gavazaj, që në minutën e tetë të sfidës, duke konkretizuar me gol një aksion të bukur nga e majta.
Gjithsesi, Luftëtari arriti të barazojë në minutën e 68-të, minutë kur Mehmetllari u tregua i saktë nga pika e bardhë e penalltisë. Në sekondat e fundit, Kukësi ia doli të triumfojë, falë një goli të shënuar nga Abazaj.
https://streamable.com/i0ks6i
Bardheblutë e Egbo ngjiten në kuotën e 56 pikëve, ndërsa Kukësi me triumfin në Elbasan, shkon në kuotën e 47 pikëve. Tirana vazhdon serinë e fitoreve, ndërsa Kukësi duket se nuk është dorëzuar ende në garën për titullin./abcnews.al
https://streamable.com/n1xsgn
KATEGORIA SUPERIORE – JAVA 27
Bylisi-Tirana 1-3
Shënues: Peposhi 66’/ Cobbinah 26’, Batha 45+4’ (pen.), Muça 72’
Kukësi-Luftëtari 2-1
Shënues: Gavazaj 8’, Abazaj 90+4′ / Mehmetllari 68’ (pen.)
