Ka shpresë që futbolli të rifillojë dhe kampionët e ndërprera të përfundojnë. Kryetari i Komisionit Mjekësor të UEFA-s është optimist. Tim Meyer ka deklaruar në një prononcim zyrtar se skuadrat mund të kthehen në fushë për mbylljen e këtij sezoni.
“Rikthimi i futbollit në nivel konkurrues dhe elitar, shëndeti i lojtarëve, gjithë pjesëtarëve të përfshirë në këtë sport dhe publikut të gjërë, kanë një rëndësi të madhe. Të gjitha Federatat e futbollit që po planifikojnë rifillimin e garave, do të krijojnë protokolle të plota që diktojnë kushtet shëndetësore.
Diçka e tillë do të sigurojë mbrojtjen e shëndetit të njerëzve dhe ruajtjen e integritetit të politikave publike. Në këto kushte, sigurisht që është e mundur të planifikohet rifillimi i kompeticioneve të pezulluara gjatë sezonit 2019/2020”, deklaron gjermani. /abcnews.al
