Ministri në Detyrë për Evropën dhe Punët e Jashtme, Gent Cakaj ka njoftuar mbylljen e tre marrëveshjeve të rëndësishme me Kosovën në fushën e politikës së jashtme dhe integrimit evropian.
Cakaj përmes një postimi në rrjetin social Facebook, shkruan se këtë të premte me homologun e tij Blerim Reka, kanë mbyllur marrëveshjen për të shkëmbyer përvojat dhe ekspertizën në çështje të organizimit të strukturave përgjegjëse për integrim, procesit të përafrimit të legjislacionit dhe bashkëpunim më të përgjithshëm politik në kuadër të synimit për anëtarësim në BE.
Gjithashtu ai ka bërë me dije se tashmë të dy ministritë e vendeve do të zhvillojnë çdo vit do të organizojnë edhe konferencën e përbashkët për diskutim e shtjellim të shumë çështjeve që lidhen me integrimin evropian.
Postimi i plotë:
Sot përfunduam edhe tre marrëveshje shumë të rëndësishme me Republikën e Kosovës në fushën e politikës së jashtme dhe integrimit evropian ????.
Me Ministrin e Integrimit Evropian, z. Blerim Reka, kemi mbyllur marrëveshjen për të shkëmbyer përvojat dhe ekspertizën në çështje të organizimit të strukturave përgjegjëse për integrim, procesit të përafrimit të legjislacionit dhe bashkëpunim më të përgjithshëm politik në kuadër të synimit për anëtarësim në BE. Tani e tutje, dy Ministritë çdo vit do të organizojnë edhe konferencën e përbashkët për diskutim e shtjellim të shumë çështjeve që lidhen me integrimin evropian.
Me Ministrin e Punëve të Jashtme dhe Diasporës, z. Glauk Konjufca, ndërkaq, kemi mbyllur marrëveshjen për fuqizimin e diplomacisë publike, mes të tjerash, duke unifikuar plotësisht kalendarin e aktiviteteve kulturore she përcaktuar një plan konkret për promovimin e imazhit dhe prodhimeve të dy vendeve. Gjithsesi, shumë me rëndësi mbetet marrëveshja për një varg angazhimedh në fushën e politikës së jashtme që, gjithashtu, përfshinë edhe krijimin e një skuadre me përfaqësues specialë për mbrojtjen e lartësimin e interesave të dy vendeve.
Po ashtu, nëpërmjet një letre zyrtare, i kam kërkuar pëlqimin z. Konjufca për të vazhduar projektin e zhvillimit të Ambasadave dhe Konsullatave me hapësira të përbashkëta!
Pavarësisht pandemisë, puna jonë nuk është ndalur dhe përkushtimi ynë për maksimizim të bashkëpunimit me Kosovën është i patjetërsueshëm ????!/abcnews.al
