Finalja e Kupës së Gjermanisë për vitin 2020, ishte programuar të luhej në datë 23 maj. Si gjithmonë zhvillohet në Olympiastadion të Berlinit, por koronavirusi i ka prishur planet.
Federata Gjermane e Futbollit (DFB) ka vendosur ta shtyjë finalen e madhe për në 30 qershor. Kicker raporton se rinisja e kampionatit është prioritet dhe finalja do të luhet pa praninë e tifozëve.
Bayern Munchen-Eintracht Frankfurt dhe Bayer Leverkusen-Saarbrucken janë çiftet e raundit gjysmëfinal. Datat e reja të dueleve gjysmëfinale nuk janë përcaktuar akoma dhe diçka e tillë do të ndodhë pasi të rinisë kampionati. /abcnews.al
