Trajneri i Real Madrid, Zinedine Zidane, ia ka bërë të qartë drejtuesve kërkesën e tij për sulmin. Tekniku francez kërkon me ngulm në Madrid kapitenin e Arsenalit, Pierre-Emerick Aubameyang.
Sipas raportimit të “Sport”, madrilenët do të fokusohen vetëm te gabonezi dhe do të jetë ai blerja “Big” e merkatos së verës. Në fakt, Aubameyang ka disa kohë që lidhet me një largim nga Londra.
Madje sulmuesi në merkaton e janarit ishte shumë pranë kalimit tek Barcelona, por mesa duket gjërat kanë ndryshuar.
Pak ditë më parë dhe Presidenti i Federatës së Futbollit të Gabonit, deklaronte se vendimi më i mirë për Aubameyang është largimi nga Arsenali. 31-vjeçari numëron 61 gola në 97 ndeshje me fanelën e “Gunners”. /abcnews.al
