Emri i Mario Gotze i sjell ndërmend kujtime fantastike tifozëve gjermanë. 27-vjeçari shënoi golin e fitores në finalen e Botërorit kundër Argjentinës në vitin 2014 dhe dërgoi kupën e botës për herë të katërt në Berlin.
Fantazisti shkarkon krenari të madhe te tifozët, por edhe keqardhje për faktin që nuk ia doli të tregonte gjithë potencialin që zotëron si futbollist. Kontrata me Dortmundin përfundon këtë verë dhe palët do të ndahen.
Bild zbulon të ardhmen e Gotze dhe ajo është Italia. Lojtari gjerman e ka ndarë mendjen të vijojë karrierën në Serie A, kampionat që e ka tunduar gjithmonë. Për emra skuadrash është herët të flitet, por i sigurt është fakti që gjermanin do e shohim në Serie A sezonin e ardhshëm. /abcnews.al
