Bayern Munich mund të pësojë ndryshime të shumta në merkaton e verës. Bils Zbulon planet e lëvizjeve në kampin bavarez dhe raportohet se momentalisht po mendohet të rinovohen kontratat me dy nga lojtarët kryesorë. Njëri është portieri Manuel Neuer, kurse tjetri Thomas Muller.
Edhe pse ky i fundit u mendua se mund të largohej që në janar, te Bayern nuk kanë ndërmend të humbin një nga lojtarët “flamur” të klubit. kështu, atij dhe portierit po mendohet t’u ofrohen kontrata të reja. Detaje të tjera nuk zbulohen.
Dilema më e madhe lidhet me David Alaba, i cili dëshiron të provojë një eksperiencë të re. Austriaku edhe herë të tjera është kërkuar nga klube të mëdha, por bavarezët nuk e kanë lëshuar. Kjo verë mund të sjellë edhe largimin e tij.
Jo vetëm ai, pasi ka edhe të tjerë që mund të ndryshojnë ekip. Bayern do tentojë të fitojë disa miliona dhe të kursejë prej rrogave të tyre. Jerome Boateng, Javi Martinez dhe Corentin Tolisso synohet të shiten nga ana e kampionëve të Gjermanisë, që nga ana tjetër pritet të paguajnë klauzolën për blerjen e Ivan Perisic nga Interi. /abcnews.al
