Arsenali përjetoi një eliminim befasues nga Olympiacos në Europa League dhe sonte do të tentojë rikthimin te fitorja ndaj Portsmouth, sfidë e vlefshme për një vend në çerekfinalet e FA Cup.
Trajneri i “Topçinjve”, Mikel Arteta ka lëshuar alarmin në lidhje me kalendarin e ngjeshur. Spanjolli ankohet dhe thekson se duhet bërë diçka, përndryshe cilësia e lojës së skuadrave do të ulet shumë.
“Po luhet shumë dhe intensiteti rritet nga viti në vit. Njësoj ndodh edhe me presionin, por kjo është e tepërt për futbollistët. Nevojiten 26-28 futbollistë në skuadër për të përballuar këto ritme ndeshjesh. Duhet të bëjmë diçka.
Lojtarët po dëmtohen gjithnjë e më shumë, për shkak të angazhimeve të vazhdueshme. Një kalendar kaq i ngjeshur nuk mund të zgjasë më shumë se dy vite, sepse kualiteti, në një farë pike, do të bjerë shumë“, deklaron trajneri spanjoll. /abcnews.al
