Merkato e verës së ardhshme do të jetë e zjarrtë dhe shumë lëvizje të bujshme pritet të ndodhin. Nga Spanja vjen një lajm në lidhje me të ardhmen e Paulo Dybala. Argjentinasi ka një kontratë deri në vitin 2022 me Juventusin, por karriera mund të vazhdojë në La Liga.
26-vjeçari ndodhet nën hijen e Ronaldos te kampionët e Italisë dhe dëshiron të provojë një aventurë të re. Agjentët e tij ia kanë ofruar Real Madrid dhe argjentinasi pëlqehet nga presidenti Perez dhe trajneri Zidane.
Interesimi për “La Joya” nuk mungon, por në fillim duhet larguar Gareth Bale. “Los Blancos” nuk po ia dalin të shesin uellsianin. Nëse ndodh diçka e tillë, atëherë Real Madrid do të ishte gati të bënte një ofertë Juventusit për kartonin e Dybala. /abcnews.al
