Juventus po projekton të bëjë një goditje në sulm në merkaton e verës dhe shumë emra po qarkullojnë e ndodhen në blloqet e drejtuesve bardhezi. Një prej tyre është edhe Karim Benzema.
Kampionët e Italisë nuk heqin dorë nga objektivi Champions League dhe nuk kanë ndërmend të dorëzohen derisa t’ia arrijnë. Francezi i intrigon dhe Okdiario rapoton se “Zonja e Vjetër” po tundohet nga ideja për të ribashkuar dyshen Ronaldo-Benzema.
32-vjeçari francez është pjesë e “Los Blancos” prej vitit 2009 dhe disa ditë më parë rinovoi kontratën deri në verën e vitit 2022. Juventus do të tentojë transferimin e tij në verë dhe CR7 mund të ndikojë që ky transferim të kryhet, duke ia dalë të bindë ish-shokun e skuadrës. /abcnews.al
