Trajneri i Chelsea, Frank Lampard, ka folur në konferencë për shtyp para sfidës ndaj Bayernit, aty ku theksoi vështirësinë e takimit dhe i thuri elozhe sulmuesit rival, Robert Lewaandowskit.
“Hudson-Odoi, N’golo Kante dhe Christian Pulisic, nuk do të luajnë kundër Bayernit. Pedro është rikthyer, do të jetë në skuadër. Jemi përballë një rivali shumë të vështirë, Bayern Munchen mund ta fitojë Champions League në çdo sezon.
Detyra ime është ta përgatis skuadrën sa më mirë për këtë sfidë. Duhet të jemi të fokusuar, shumë të fokusuar, vetëm në këtë mënyrë mund t’i fitojmë të dyja sfidat.
Lewandowski? Çdo gjë rreth tij, është klas. Çdo gjë që ai bën është e pabesueshme. Ekipi i Bayern shkëlqen me të, ai është në fund të çdo aksioni dhe rekordet e tij, flasin vetë”, përfundoi Lampard./abcnews.al
