Sulmuesi anësor i Barcelonës, Ousmane Dembele, ka mbetur sërish jashtë fushave. Sulmuesi francez pas testeve të para, me shumë mundësi nuk do të luajë më për këtë sezon dhe rrezikon pjesëmarrjen në Euro 2020. Gjithsesi, katalanasit e kanë gjetur zëvendësuesin e tij dhe bëhet fjalë për sulmuesin e Getafes, Angel Rodriguez.
Sulmuesi spanjoll i plotëson kushtet për një transferim të mundshëm, pasi ai luan në kampionatin spanjoll, i cili është kampionati i vetëm që lejohet nga Federata Spanjolle e Futbollit. 32-vjeçari është në kontratë me Getafen deri në vitin 2021 dhe kartoni i tij kushton 10 milionë euro.
Rodriguez po kalon një periudhë të mrekullueshme këtë sezon. Sulmuesi regjistron 27 ndeshje me fanellën e Getafes në La Liga, Copa del Rey dhe Europa League, ku ai e ka gjetur rrugën e rrjetës plot 13 herë. Jo keq për një sulmues 32-vjeçar dhe eksperienca e tij është pikërisht ajo që Barcelona po kërkon. /abcnews.al
