Gjysmëfinalja e Australian Open, mes Dominic Thiem dhe Alexander Zverev tërhoqi vëmendjen e shumë sportdashësve. Një ndeshje e cila e përligji interesimin, pasi ishte mjaft interesante dhe e luftuar. Në fund ishte austriaku Thiem që triumfoi 3-1 me sete dhe u kualifikua në finale.
Edhe në botën e futbollit Thiem ka mbështetje, teksa mbrojtësi austriak i Bayern Munchen, David Alaba, ka bërë një postim në “Twitter”. Anësori i majtë, foton e tenistit e ka shoqëruar me mesazhin: “Ndeshje e madhe, tani shko fito edhe titullin”.
Për ta ngacmuar mbrojtësin e bavarezëve ka menduar spanjolli Thiago Alcantara, i cili i shkruan shokut të skuadrës me shaka: “Ju kurrë nuk keni parë një ndeshje tenisi, mos ia fut kot tani”. /abcnews.al
You never saw a tennis game in your life! Come on ?
— Thiago Alcantara (@Thiago6) January 31, 2020
