Inter, pas shkëmbimit në merkato të Matteo Politano me Leonardo Spinazzola të Romës, duket se ka kërkuar diçka ekstra. Klubi romak është i irrituar me interistët, pasi ato kanë kërkuar teste mjekësore shtesë për mbrojtësin anësor, duke bllokuar kështu dhe transfermin e Politanos në kryeqytetin italian.
Të dy palët i kryen këtë mëngjes testet mjekësore dhe Roma shpresonte se ish-mesfushori zikaltër do të ishte gati për ndeshjen e sotme kundër Parmës në Kupën e Italisë. Gjithsesi ende nuk ka asnjë firmë, sepse Interi ka kërkuar më shumë teste fizike në fushën stërvitore.
Pikërisht kjo gjë ka acaruar Romën, pasi klubi milanez po kërkon gjithashtu të ndryshojë dhe termat e marrëveshjes mes klubeve. Nga një shkëmbim. ata duan huazimin e italianit me të drejtë blerjeje në fundin e sezonit. Është Antonio Conte ai që i kërkon këto teste shtesë për të githa blerjet e reja në klub. Kujtojmë që Spinazzola ka vuajtur nga dëmtime të shumta në karrierë, sidomos ato muskulare. /abcnews.al
