“Kunati e përndiqte viktimën dhe i bënte foto kudo”, kështu janë shprehur familjarët e të ndjerës Enkeleda Çapoku , e cila u vra mbrëmë nga kunati i saj në Paskuqan. Burri i 38-vjeçares ndodhej në burg i dënuar me 10 vite për drogë. Ndërsa e ndjera jetonte me nënën e saj dhe vajzën.
6 muaj më parë mes kunati Erdet Çapokut dhe kunatës së tij ka pasur një debat të ashpër, pasi Enkeleda Çapoku e akuzonte atë se e përndiqte kudo. 38 vjeçarja e denoncoi në komisariatin nr. 5 në Kamez për përndjekje, ndërsa gjykata i kishte dhënë urdhër mbrojtje.
Pasi mori urdhër mbrojtje, Enkeleda Çapoku u largua nga familja e burrit dhe jetonte me qira me nënën e saj dhe vajzën 18 vjeçe.
Edhe pse ajo kishte urdhër mbrojtje, sërish vrasësi kreu aktin e rëndë, duke e dhunuar me shkop dhe thikë, dhe duke e lënë të vdekur kunatën brenda në banesën e saj në Paskuqan. /abcnews.al
