Salvador Kaçaj, ish-futbollisti i kombëtares, është pjesë e panelit të emisionit “Pressing” në ABC News. Ndeshja e Solidaritet që zhvillohet nesër në “Air Albania Stadium”, mes ish-lojtarëve të Kombëtares shqiptare, Greqisë, Turqisë dhe Italisë, ka ngjallur debate të shumta në lidhje me listën.
“Pse nuk jam unë? Ju e dini shumë mirë. Kemi kaluar një tërmet të dhimbshëm. Çdo aktivitet duhet mbështetur. Kam dëgjuar se janë ftuar yjet e kombëtares shqiptare, si dhe kombëtaret e fqinjëve. Asnjë yll nuk vjen që krahasohet me Rudi Vatën, Sulejman Demollarin dhe Sokol Kushtën”.
“Kush i ka vendosur kriteret? Kush e bën ndeshjen? E bën Federata dhe e paguan kjo. Turpi nis që te trajneri. Çfarë kërkon Shulku trajner kombëtareje. Shulku është 500 herë poshtë meje si lojtar. Ai ska lidhje me trajnerllekun. Ata që kanë bërë sindikatën nuk e dinë çfarë është, duhet të jetë oponencë e federatës. Është një palo federatë.
Kur ishe në Federatë, kur u bë ndeshje me Gjermanët, ata kishin vënë kusht. Duhet të jenë lojtarë që kanë luajtur kundër tyre. Nuk isha unë, Jani Kaçi dhe të tjerë. Këtu bëhet me mllef. Ata që janë thirrur janë të nderuar. Shulkut t’i vije turp që e ka pranuar. Listën e ka bërë Duka, kjo nuk ka diskutim. Nuk tallet njeri me mua”.
“Nisma është pozitive, e thashë edhe më parë. Kemi Kushtën para Vatës, kemi Demollarin. Kush e ka vendosur kriterin? Ilir Shulku dhe Armand Duka? Nuk është ftuar as kapiteni im, Rudi Vata. Më jep provën që është vënë kriteri viti 2000.” /abcnews.al
