Arsenali ka qenë një ndër skuadrat që ka vuajtur më shumë këtë sezon sa i takon dëmtimeve. Holding, Tierney, Chamber, Bellerin dhe Ceballos kanë pasur shumë probleme fizike në këtë sezon të vështirë për “Topçinjtë”.
Megjithatë, sot ka lajme të mira nga kampi i londinezëve. Dy futbollistët spanjollë, Hector Bellerin dhe Dani Ceballos, do të jenë të gatshëm për trajnerin Mikel Arteta.
Këtë fundjavë, Arsenali luan në transfertë përballe Crystal Palace, sfidë që do të vendosë përballë trajnerin më të ri në kampionatin anglez, Mikel Artetën, dhe më të moshuarin, legjendarin Roy Hodgson. /abcnews.al
