“Një erë ndryshe po fryn përtyej Atlantikut”, Merz konfirmon krizën tregtare SHBA-Gjermani

Merz tha se gjithnjë e më pak liderë botërorë besojnë në idenë se hapja ekonomike dhe tregtia e lirë sjellin përfitime për të gjitha palët.

“Në vend të kësaj, ata po mendojnë gjithnjë e më shumë në terma të lojërave me shumën zero, madje edhe të përfitimit në kurriz të të tjerëve dhe të shantazhit”, u shpreh ai.

Deklaratat e kancelarit gjerman vijnë në një kohë kur politikat tarifore të SHBA-së kanë rritur shqetësimet për të ardhmen e tregtisë globale dhe marrëdhënieve ekonomike mes fuqive të mëdha.

Lideri gjerman ka mbrojtur vazhdimisht rëndësinë e tregtisë së hapur dhe bashkëpunimit ndërkombëtar, duke e konsideruar ekonominë globale të ndërlidhur si një burim përfitimesh të përbashkëta.