Shpërthimi në pikën e karburantit, shoqërohen në polici 4 persona

Katër persona janë shoqëruar pranë Komisariatit nr. 1 në Tiranë, në lidhje me shpërthimin e ndodhur në një pikë karburanti në zonën e Brrylit në Tiranë.

Sipas të dhënave paraprake, mes personave të shoqëruar janë administratori i pikës së karburantit, menaxheri dhe drejtuesi teknik i saj.

Në komisariat është shoqëruar edhe drejtuesi i mjetit që po furnizohej me karburant në momentin kur ndodhi shpërthimi.

Policia vijon hetimet për të zbardhur rrethanat e ngjarjes dhe për të përcaktuar shkaqet që çuan në shpërthim.