Loading ...
Duket sikur golat ia kanë vjedhur për këtë sezon. Trabzonspori ka dy sulmues shumë të mirë si legjendën Mohamed Salah dhe afrikanin Onuaçu, por gjithsesi Ernest Muçi e gjen gjithmonë mënyrën për të qenë protagonist.
Futbollisti I kombëtares shqiptare shërbeu asistin e dytë radhazi në Superligën turke, dhe sërish i shërbeu rrjetën “në pjatë” Faraonit” Salah. Ylli egjiptian i ardhur nga Liverpuli, për momentin po e bën detyrën, me tri gola në kampionat deri tani, dhe dy prej tyre kanë qenë falë Muçit.
Gjithsesi, shqiptari këtë herë nuk u vlerësua shumë mirë, pavarësisht se krijoi golin, dhe nota e tij ishte vetëm 6.5, një nga më të dobëtat për ekipin. Salah shënoi për 1-0 në 11’, dhe u duk se zhgënjimi i madh europian u la pas. Për fat të keq, nuk qe e thënë të ndodhte kështu.
Trabzonspori, një nga katër klubet më të mëdhenj të futbollit turk, u mund 2-1 nga një rival modest, pasi Amed shënoi në fund të pjesës së parë dhe në fund fare të ndeshjes. Me vetëm 4 pikë në tri javë, vështirë të luftohet për gjëra të mëdha këtë edicion të Superligës turke, pavarësisht klasit që ka një Salah apo një Ernest Muçi. Shqiptari shërbeu edhe asistin e golit të dytë në ndeshjen ndaj Bashaksehirsporit fituar 2-1./abcnews.al
