Loading ...
Eni Imami dje njoftoi largimin nga Tirana dhe në një postim në rrjetet sociale e shfaqi hapur pakënaqësinë për ish-trajnerin Julian Ahmataj. “Falënderoj trajnerët Ardian Mema dhe Ze Maria për besimin e dhënë”, shkruante mes të tjerash Imami.
E kuptueshme, Ahmataj që e la në stol nuk mund të merrte një falënderim prej tij. Imami ndërkohë nuk është ndalur me kaq, pasi ka dhënë një intervistë për “Panorama Sport” dhe në shënjestër është pikërisht tekniku nga Elbasani.
“Ahmataj mësoi dorën te Tirana, ja pse ika”, është titulli kryesor i të përditshmes sportive. Në faqen e parë citohen edhe të tjera fjali të thëna nga Imami: “Më vendosën me shpatulla pas murit kur u largua Mema. Kërkoj falje nëse kam gabuar, por ai trajner (i referohet Ahmatajt) ishte si autoshkollë”. / abcnews.al
