FIFA “fal” sërish Argjentinën/ Ndryshon vendimin pas pezullimeve për dhunë në finalen e Botërorit

FIFA i ka zbutur dënimet për veprimet e dhunshme të futbollistëve të të Argjentinës në finalen e Kupës së Botës.

Lojtari agresiv Leandro Paredes u dënua me pezullim prej dhjetë ndeshjesh dhe gjobë 90 mijë dollarë gjobë pasi sulmoi fizikisht spanjollin Gavi.

Nahuel Molina, Thiago Almada dhe zëvendëstrajneri Roberto Ayala gjithashtu u ndëshkuan me pezullime dhe gjoba.

Molina u pezullua për shtatë ndeshje, Almada për një dhe Ayala për tre të tilla.

Të katërt ishin të përfshirë në përleshjen pas përfundimit të ndeshjes në “MetLife”, ku Paredes u shpall fajtor për tre akuza.

Mesfushori rrezikonte të mbetej praktikisht jashtë fushave për më shumë se një vit.

Megjithatë, FIFA e miratoi kërkesën e Federatës Argjentinase të Futbollit që pezullimet të shlyhen në ndeshje miqësore, jo vetëm në ato zyrtare siç ishte vendimi I mëparshëm.

Kjo do të thotë se pjesa më e madhe e dënimit të Paredesit mund të shlyhet para fundit të vitit 2026.

Nëse Argjentina organizon gjashtë miqësore ​​gjatë asaj kohe, mesfushori do të ketë vetëm katër të tjera për të vuajtur, Molina një, ndërsa Almada mund të luajë përsëri nga fundi i shtatorit.

Çuditërisht, Federata e Futbollit të Argjentinës ende shpreson të ulë dënimet dhe planifikon të apelojë për një tjetër ulje.

Argjentinasit u goditën gjithashtu me një gjobë marramendëse prej 250,000 dollarësh dhe duhet të luajnë ndeshjen e tyre të ardhshme në shtëpi me një kapacitet prej 50 përqind për shkelje të tjera gjatë turneut.

Kjo përfshinte edhe pankartën e tyre me mbishkrimin “Malvinas janë të Argjentinës”, e cila u shfaq pas fitores në gjysmëfinale ndaj Anglisë.