Loading ...
Rrugët e një qyteti të vogël spanjoll u kthyen në një lumë të kuq të mërkurën, kur mijëra njerëz nga e gjithë bota nisën një nga betejat më të pazakonta të planetit.
La Tomatina u rikthye në Buñol, pranë Valencias, duke sjellë me vete kamionë të mbushur me rreth 28 tonë domate të pjekura.
Me sinjalin e fillimit, domatet nisën të fluturonin në të gjitha drejtimet.
Brenda pak minutash, pjesëmarrësit, fasadat e ndërtesave dhe rrugët e qytetit u mbuluan nga tuli i kuq. Festivali zhvillohet çdo vit të mërkurën e fundit të gushtit dhe është shndërruar nga një traditë lokale në një atraksion turistik ndërkombëtar.
Pjesëmarrësit këshillohen t’i shtypin domatet përpara se t’i hedhin, për të reduktuar rrezikun e lëndimeve, ndërsa organizatorët vendosin rregulla për të kontrolluar turmat.
Pasi përfundon beteja, nis një operacion i madh pastrimi. Rrugët shpëlahen me ujë dhe, brenda pak orësh, qyteti fillon të rikthehet në normalitet. Një pjesë interesante e historisë së këtij viti lidhet me turistët indianë.
Associated Press raportoi se shumë vizitorë nga India e njohën festivalin përmes filmit të Bollywood-it “Zindagi Na Milegi Dobara”, i cili përfshin një skenë të xhiruar gjatë La Tomatina-s. Filmi ndihmoi që festivali spanjoll të fitonte popullaritet të madh në Indi dhe çdo vit një numër i konsiderueshëm turistësh indianë udhëtojnë drejt Buñol-it për ta përjetuar vetë.
Origjina e La Tomatina-s daton në vitin 1945, kur një konflikt spontan gjatë një parade përfundoi me njerëz që nisën t’i hidhnin njëri-tjetrit domate nga një tezgë perimesh. Ajo që nisi si një incident lokal u kthye gradualisht në një traditë dhe sot është një nga festivalet më të fotografuara të Spanjës.
Migliaia di festaioli a Buñol per la tradizionale “La Tomatina”: 165 tonnellate di pomodori troppo maturi hanno tinto di rosso le strade della cittadina spagnola per l’edizione di quest’anno.#lapresse #Tomatina #Spagna
● Segui il canale X di LaPresse per gli aggiornamenti pic.twitter.com/kT2ogIU2WS
— LaPresse (@LaPresse_news) August 26, 2026
