Loading ...Dy persona janë arrestuar nga policia e Tiranës, si të dyshuar për 6 episode vjedhjeje. Në pranga u vendos Klajdi Macalla i cili dyshohet se gjatë periudhës 14-22 gusht ka vjedhur shuma parash dhe disa produkte në 5 subjekte të ndryshme.
Policia thotë, se pas arrestimit të tij, u konstatua se 23 vjecari kishte thyer masën e sigurisë “Arrest në shtëpi”, për të njëjtën veprimtari kriminale, ndërsa gjatë kontrollit fizik, atij iu sekestrua një sasi lëndë e dyshuar cannabis sativa.
Në pranga u vendos edhe Shaqir Jeminaj, i cili dyshohet se i vodhi me dhunë 2 varëse një shtetaseje, në rrugën e “Saraçëve”. 31 vjecarit iu sekuestruan të dyja varëset si provë materiale.
Policia i referoi organit të akuzës materialet për dy të rinjtë, për nisjen e hetimeve.
