Loading ...
Kryeministri në detyrë i Kosovës Albin Kurti, ka ftuar në takim krerët e partive politike, vetëm tri ditë përpara vazhdimit të seancës konstituive të Kuvendit, që pritet të mbahet pas zgjedhjeve të 7 qershorit.
Ftesa është refuzuar nga Partia Demokratike e Kosovës dhe Aleanca për Ardhmërinë e Kosovës.
PDK, përmes një shkrese zyrtare, njoftoi se nuk do të marrë pjesë në takim, duke theksuar se do të vazhdojë të qëndrojë në opozitë.
Edhe Aleanca e udhëhequr nga Ardian Gjini e refuzoi takimin. Në përgjigjen drejtuar Kurtit, kjo parti rikujtoi se më herët ka paraqitur gjashtë kushte për të mbështetur krijimin e institucioneve, ndërsa theksoi se nuk është e interesuar të bëhet pjesë e qeverisë së re.
Ende nuk është bërë e ditur data se kur Albin Kurti ka planifikuar zhvillimin e këtij takimi me liderët e partive politike.
