Refuzimi i NATO-s për të marrë pjesë në luftën me Iranin/ Trump: Aleanca pati një moment të keq

Presidenti i SHBA-së, Donald Trump, ka vazhduar të flasë pozitivisht për aleancën e NATO-s sot, pavarësisht se kritikoi ashpër disa vende anëtare vetëm këtë mëngjes, duke u thënë gazetarëve pak më parë se vendet e NATO-s “patën një moment të keq” kur refuzuan të merrnin pjesë në luftën e SHBA-së dhe Izraelit me Iranin.

Kur u pyet nëse SHBA-të do të ishin aty për vende si Spanja, Italia dhe Mbretëria e Bashkuar nëse ato do të sulmoheshin, pavarësisht faktit se ato refuzuan të bashkoheshin në luftë, Trump tha: “Spanja ka qenë shumë keq, por e dini… Italia ka qenë e mirë, dhe pothuajse të gjitha vendet kanë qenë të mira. Ata thjesht patën një moment të keq.”

Udhëheqësi amerikan ishte i hapur në përshkrimin e takimeve që pati me anëtarët e NATO-s në Ankara më herët sot, duke thënë “nëse ka një fjalë që del nga sot, ajo është bashkimi. Nuk kam parë kurrë diçka të tillë”.

“Secili prej këtyre vendeve na do, e do njëri-tjetrin. Ky ishte një bashkim i jashtëzakonshëm. Ishte një gjë e mirë për t’u thënë”, tha Trump./abcnews.al